Fágun

Þessi er í gerjun hjá mér núna, byggður á Bee Geek Breakfast klón af HBT:

16 lítrar
OG 1,079
FG áætlað 1,020 (forced ferment próf sýndi 1,021)

3,1kg pilsner
850gr maltaðir hafrar
850gr hafraflögur
360gr caramunich I
360gr carafa special I
360gr carafa special II
360gr reykt malt
360gr ristað malt

60 mín: 17gr Chinook (13%) + 20gr Cascade (9,3%)
15 mín: 35gr Cascade
5 mín: 25gr Citra (13,2%)

Meskjað við 66,5°c
90mín suða

1,5 pakki US05, gerjað við 18,5°c

Þetta er í þriðja skipti sem ég geri þennan en í fyrsta sinn sem ég reyni haframaltið. Ég er spenntur að vita hvort það verður finnanlegur munur. Það kostaði smá fiff að mala það: það er smærra en byggið og hýðislaust (held ég alveg örugglega). Ég mala yfirleitt við 0,9mm en fyrir þetta þurfti ég að minnka í 0,3mm og þvinga það í gegn, tilfinningin var dálítið einsog að kremja frauðplast.

Það kom ekkert að sök við skolunina samt, og nýtnin var eðlileg.

Ég er dálítið forvitinn að vita hvort einhver annar hafi prófað þetta og hvernig hefur fengist?

Ég er bara tiltölulega nýlega kominn með möltuðu hafrana.. Lítið búið að seljast af þeim so far en það væri gaman að heyra hvernig gengur og hvað þér finnst

Ég prófaði haframalt einhvern tíma fyrir löngu síðan. Hefði viljað bera það saman við sömu uppskrift með venjulegu haframjöli, til að sjá hver munurinn er. Man ekki annað en að ég hafi verið nokkuð sáttur við bjórinn, en eins og ég segi er langt um liðið (og ég er ekki með punktana mína hjá mér - á einhvers staðar eitthvað um þennan bjór, held ég).

Akkúrat, ég mun amk. hafa samanburð við sömu uppskrift nema með 1500gr af haframjöli. Ég læt vita hvernig hann verður.

Hvernig fór þetta allt saman?
Allt í niðurfallið eða kverkarnar á núll einni?

Það er óljóst enn, ég setti hann á flöskur fyrir tveimur vikum síðan. Ég smakkaði einn vikugamlan, aðallega til að tékka á kolsýrunni, og hann lofaði góðu. Ég á enn eftir að smakka þá hlið við hlið..