Fágun

Ég ætlaði að fara að gera húsbjórinn (Dusildorf Alt), en rak augun í það í búðinni að það er komið nýtt munkaþurrger frá L'Allemand. Ég gat ekki á mér setið og ákvað á staðnum að breyta uppskriftinni og búa til einhvers konar dökkan, belgískan bjór. Eitthvað nálægt Dubbel.

Hann fór á flöskur í gær, og flotvogarsýnið bragðaðist hreint út sagt dásamlega!

Hér er uppskriftin, miðað við 40l:

10,40 kg Munich II (Weyermann) (16,7 EBC) Grain 1 78,2 %
1,60 kg Pale Malt, Maris Otter (5,9 EBC) Grain 2 12,0 %
1,30 kg Lyle's Golden Syrup (147,8 EBC) Sugar 3 9,8 %
40,00 g Magnum [14,00 %] - Boil 60,0 min Hop 4 30,7 IBUs
50,00 g Celeia [4,50 %] - Boil 10,0 min Hop 5 4,5 IBUs
50,00 g Celeia [4,50 %] - Steep/Whirlpool 0,0 min Hop 6 0,0 IBUs

Ég þurfti að skipta út smáræði af Munich II vegna þess að ég átti ekki meira. Skellti Maris Otter með til að ná 12 kílóum af grunnmalti í allt.

Nýtingin var ekki alveg eins og ég átti von á - ég held að ástæðan hafi verið einhver skekkja í útreikningi á vökva. Munaði ekki svo miklu, þó - OG átti að vera 1.076 en var 1.070. FG endaði svo í 1.012, svo þetta er hið besta mál. ABV, samkvæmt útreikningi, endaði í 7,7%. Kemst næst því að vera Dubbel, en liturinn myndi líklega teljast frekar ljós. Stílar eru til að brjóta þá, hvort sem er. Eins og ég sagði var flotvogarsýnið unaðslegt - lúmskt ristað bragð, góð karamella, fullt af banana og smá negull. Get ekki beðið eftir kolsýru.

Ég gæti hins vegar hafa sett of mikinn sykur þegar ég tappaði á flöskur, þannig að það verður spennandi að sjá hvort flöskur fara að springa.

Ég er einstaklega spenntur yfir því að geta farið að gæða mér á þessum. Ég er á leiðinni út á land, og verð þar í 7-8 vikur, þannig að þessi mun stytta mér stundir svo um munar. Namminamm.

Þetta ger væntanlega?
http://www.brew.is/oc/Lallemand_Abbaye" onclick="window.open(this.href);return false;

Ég er gríðarlega spenntur fyrir því sjálfur einmitt.. Langar að prófa það og fermentis abbaye gerið hlið við hlið..
http://www.brew.is/oc/Ger/Fermentis_Abbaye" onclick="window.open(this.href);return false;


(Btw þú póstaðir þessu 2x..)

Skil ekkert í mér að hafa ekki gert það!

En jú, vissulega þetta þarna. Mjög skemmtilegur gerkarakter. Lallemand eru að gleðja mig ósegjanlega þessa dagana.

Þetta er spennandi. Hvað varstu með marga pakka af gerinu í 40 lítra?

P.s. Ég eyddi tvöfalda póstinum.

Ég underpitchaði, notaði bara 2 pakka. Fannst það í lagi fyrir svona bjór. Enda eru estrarnir umtalsverðir og skemmtilegir.

Þetta er flott en við hvaða hitastig gerjaðist virturinn?

Hann var fyrstu 2-3 dagana (man ekki alveg) við 19°C og svo hækkaði ég upp í 23°C. Ætlaði svo að lækka aftur, en gleymdi því, þannig að hann var bara í funhita í hálfan mánuð eða svo.

Þessi er skemmtilegur. Allt öðruvísi en nokkur bjór sem ég hef áður smakkað. Kornbragðið af munich II er svolítið skrýtið við hliðina á juicy fruit bragðinu af belgíska gerinu, en alls ekki á neikvæðan hátt. Hann vantar enn herslumuninn í kolsýringu (aðeins að þjófstarta), en er nú þegar nokkuð crisp og rennur ljúflega niður - aðeins of ljúflega miðað við að vera í kringum 8% ABV.

Þessi bjór er mjög skemmtileg tilraun, en ég veit ekki hvort ég mun brugga hann aftur. Þótt hann sé skemmtilegur fer hann ekki í frægðarhöllina. Hann verður samt allur drukkinn, það er á hreinu. Þessi tilraun hefur hins vegar gert mig spenntan fyrir því að gera fleiri tilraunir með munich II. Það væri gaman að taka syrpu af SMaSH bjórum úr munich II með mismunandi gerafbrigðum. Held að þetta fari á teikniborðið innan tíðar.

Ég tek þetta til baka. Þessi bjór er orðinn mjög fínn. Um leið og hann hafði náð smá jafnvægi varð hann hinn ágætasti. Skemmtilegur belgískur karakter, kornkarakterinn og gerið farin að leika fallega saman og allt mjög fallegt. Mun mjög líklega prófa þetta aftur.