Leyfið spjallverjum að fylgjast með því sem þú ert að gerja. Skrifaðu lýsingu fyrir og eftir gerjun til að sýna okkur hvað hægt er að gera og hverju þið lendið í.
Eftir smá brugghlé vegna vinnu og sumarfrís þá er kominn tími til að fara brugga aftur.
Var að hefja meskingu á tilraun til að gera SN Torpedo. Uppskriftin mín er byggð á upplýsingum frá Sierra Nevada síðunni og smakki.
Áætlað O.G. 1.073, IBU 74. ABV 7.2%
Korn
6 kg Pale malt (2 row)
0.5 kg Crystal malt 40L
0.20 kg Munich malt
0.10 kg Carafoam
Humlar
30 g Magnum í 60 mín
20 g Magnum í 30 mín
40 g Citra í 5 mín
40 g Magnum í 5 mín
20 g Citra í 7 daga þurrhumlun
20 g Crystal í 7 daga þurrhumlun
20 g Magnum í 7 daga þurrhumlun
Gerði blindan samanburð á mínum og orignalnum í gær.
Litur og lykt er alveg eins. Hvorki mér né konunni tókst að þekkja þá í sundur á lykt eða lit.
Þegar kemur að bragði, þá er beiskjan og maltbragðið afar svipað, en mín útgáfa hefur meira ferskt humlabragð, sérstaklega frá Citra.
Hluta af þessum mun má sennilega rekja til þess að SN filtera sinn bjór, en þrátt fyrir það þá ætla ég að minnka aðeins Citra magnið á 5 mín næst þegar ég geri hann til að komast nær originalnum.
Hef víst aldrei sett inn mynd af honum í glasi, svo hérna er ein.
Núna þegar hann hefur elst dáldið þá er hann ansi nálægt orignalnum, minn er þó með meira fruity bragð, sennilega esterar vegna þess að ég gerjaði hann í heitustu viku sumarsins og hitastigið í gerjunarskápnum fór úr 16-18°C sem hann er venjulega í uppí 24°C eða svo. Passa þetta næst og smelli í swamp cooler ef það er svona heitt úti.