Tvær tilraunir

[gm-]

Bruggaði 2 tilraunalagnir núna um helgina.

Fyrsta var Maple rúg öl, þar sem ég notaði maple sap (safa úr Hlyntrjám) í stað vatns.
Hér er uppskriftin:
5 kg Pale Malt (Canadian 2 Row)
0.5 kg Maltaður rúgur
225 Crystal Malt - 40L
30 gr Willamette [5.50 %] - Boil 60.0 min Hop 3 18.8 IBUs
30 gr Willamette [5.50 %] - Aroma Steep 0.0 mi Hop 4 0.0 IBUs

1.0 pkg California Ale Yeast (White Labs #WLP001)

Þetta tókst ágætlega, fyrir utan að allt stíflaðist þegar ég var að sparga, sennilega vegna þess að trjásafinn var talsvert þykkari en vatn. Fékk samt um 4.5 gallon í carboyinn. OG var 1.071, þannig að þetta verður dáldið öflugur bjór


Seinni uppskriftin var KPA (Kelp Pale Ale, eða þara ljós öl)

Boil Size: 6.52 gal
Post Boil Volume: 5.98 gal
Batch Size (fermenter): 5.00 gal
Bottling Volume: 4.60 gal
Estimated OG: 1.064 SG
Estimated Color: 7.3 SRM
Estimated IBU: 45.1 IBUs
Brewhouse Efficiency: 72.00 %
Est Mash Efficiency: 82.8 %
Boil Time: 60 Minutes

Ingredients:
------------
Amt Name Type # %/IBU
4900.00 g Pale Malt (2 Row) US (2.0 SRM) Grain 1 87.8 %
340.00 g Caramel/Crystal Malt - 40L (40.0 SRM) Grain 2 6.1 %
340.00 g Munich Malt (9.0 SRM) Grain 3 6.1 %
28.00 g Magnum [14.00 %] - Boil 60.0 min Hop 4 39.0 IBUs
28.00 g Cascade [5.50 %] - Boil 10.0 min Hop 5 6.1 IBUs
28.00 g Cascade [5.50 %] - Aroma Steep 0.0 min Hop 6 0.0 IBUs


Mash Schedule: Single Infusion, Medium Body, Batch Sparge
Total Grain Weight: 5580.00 g
Yeast: WLP 005, British Ale Yeast

Hér er bjórinn fyrir þarann


Í viðbót við þetta bætti ég kílói af nýtýndum þara þegar 30 mín voru eftir af suðunni




Hér er lokaniðurstaðan, OG var 1.072, þannig að slatti af sykri hefur náðst úr þaranum (og hann drakk í sig rosalega mikið af virti). Smakkaði gravity sýnið og það var rosalega sætt með söltu steinefna eftirbragði

Verður áhugavert hvort þessi verður drykkjarhæfur

[bergrisi]

Þarabjór! Mikið er gaman þegar menn koma manni á óvart. Mitt ímyndunarafl náði ekki svona langt.
Virkilega skemmtilegar tilraunir.

[viddi]

Þetta finnst mér hvoru tveggja virkilega spennandi tilraunir. Leyfðu okkur endilega að fylgjast með hvernig útkoman verður. Ekkert smeykur við of mikið saltbragð af þaranum? Kaupir maður "trjásafa" út úr búð eða útbýrðu sjálfur?

[gm-]

Þetta finnst mér hvoru tveggja virkilega spennandi tilraunir. Leyfðu okkur endilega að fylgjast með hvernig útkoman verður. Ekkert smeykur við of mikið saltbragð af þaranum? Kaupir maður "trjásafa" út úr búð eða útbýrðu sjálfur?

Jú, er dáldið smeykur með þarabjórinn, en það kemur allt í ljós, reyndi að skola þarann vel með fersku vatni áður en ég bætti honum útí, en það verður bara að koma í ljós hvernig bragð hann gefur.

Trjásafann náði ég í sjálfur, þetta er venjulega gert til að búa til Hlynsýróp, safinn er tappaður af trjánum og svo soðinn niður í sýróp. Tók um 20 tré 3 daga til að framleiða nógu mikinn safa í þessa lögn. Hér er eitt tréð:

[gunnarolis]

Djöfull er þetta flippað dæmi. Ánægður með þig.

Var mikill sykur í hlynsafanum? Bragðast hann eins og sætt vatn?

[gm-]

Djöfull er þetta flippað dæmi. Ánægður með þig.

Var mikill sykur í hlynsafanum? Bragðast hann eins og sætt vatn?

Já, hann var eins og sætt vatn með skemmtilegu viðareftirbragði, mældi gravity á honum og hann var um 1.010. Ætla að prófa þetta líka með birkisafa seinna í mánuðnum.

[gm-]

Og þá eru þessir tveir komnir á flöskur

Hér er þarabjórinn


Hann smakkast mjög undarlega, en alls ekki illa. Í byrjun kemur þetta sérstaka salt/sæta bragð sem svo fjarar út og humlarnir taka yfir, en eftirbragðið er beiskt og smá salt. Ég fékk mér síðan vatnsglas eftir smakkið, og þá spratt fram þetta rosalega þarabragð uppí mér. Mjög áhugaverður bjór.

Hér er svo hlynsafabjórinn


Hann smakkast mjög vel, nokkuð sterkur (um 7%) og rúgurinn gefur það að verkum að það eru smá rúgviskí tónar í bragðinu auk karamellu frá hlynsýrópi sem við notuðum sem priming sykur. Það er líka skemmtilegt eftirbragð sem minnir á ilmandi timbur.

[hjaltibvalþórs]

Þetta eru engir smá miðar hjá þér og bjórarnir hljóma mjög spennandi.

[bergrisi]

Þvílíkt flottir bjórar. Væri gaman að smakka.

[QTab]

Þessi trjásafa pæling vakti áhuga minn og fór ég aðeins að skoða, ég rakst á að safinn gæti skemmst eða súrnað mjög fljótt og langaði mig því að forvitnast hvort þú hafir gert einhverjar ráðstafanir gegn slíku eða hvort þetta sé ekki áhyggju atriði ef það stendur til að sjóða og gerja þetta ?

[gm-]

Þessi trjásafa pæling vakti áhuga minn og fór ég aðeins að skoða, ég rakst á að safinn gæti skemmst eða súrnað mjög fljótt og langaði mig því að forvitnast hvort þú hafir gert einhverjar ráðstafanir gegn slíku eða hvort þetta sé ekki áhyggju atriði ef það stendur til að sjóða og gerja þetta ?

Safinn getur skemmst á nokkrum dögum, þess vegna safnaði ég safa í þetta á þremur dögum og geymdi safann alltaf í kæli á milli safnanna. Safinn getur súrnar vegna bakteríuvaxtar, þannig að ég sauð hann í 10 mín áður en ég kældi hann niður í meskihitastig og setti í meskikerið.

Birkisafi er víst verri með þetta og súrnar fyrr en hlynsafinn, kemur í ljós hvernig það gengur. Ég er með krana í 10 stórum birkitrjám núna og fæ vonandi nógan safa í bjór fljótlega, mjög ólíkt bragð af birkinu, meiri myntukeimur, ekki jafn sætur og ferskari á bragðið

[QTab]

Ég var einmitt að spá í birki, stefni þá á að tæma söfnunarbaukana daglega og frysta fram að notkun