Leyfið spjallverjum að fylgjast með því sem þú ert að gerja. Skrifaðu lýsingu fyrir og eftir gerjun til að sýna okkur hvað hægt er að gera og hverju þið lendið í.
Ég lagði í OIPA fimmtudaginn 11. júní kl. 09:34. Ég gleymdi reyndar að framkvæma flotvogarmælingu, en gizka á að staðan fyrir gerjun hafi verið 1066. (Hvaða eining er á þessari tölu annars?)
Eftir einn og hálfan sólarhring var nánast hætt að bobbla í vatnslásnum, en ég lét virtina vera áfram í tunnunni þar til á sjötta degi að ég færði hana í glerkút. Reyndar tók gerjunin við sér eftir það og nú, viku síðar, bobblar á hálfrar mínútu fresti í fullum vatnslási.
Ég ætla að hafa þetta í glerinu í viku í viðbót og athuga þá hvort komið sé að því að tappa á flöskur.
Þau mistök sem ég hef gert fyrir utan að gleyma flotvogarmælingunni eru m.a. að ég gleymdi að setja eikarspæninn í þangað til í gær og meðleigjandinn minn opnaði glugga í herberginu og loftið kólnaði talsvert í miðri gerjun. Ekki gott...
Meira síðar. Sjonni
Gerjandi: Flat tire ale Þroskandi: Mjöður Smakkandi: Smje Drekkandi: English bitter, hvítvín, Tripel Hugsandi: Gerjað malt
Nú í kvöld tókum við Hallur okkur til og settum téðan bjór á flöskur. Urðu úr heilar 55 og drukkum við eina saman og skiptum restinni í tvennt. Skv. flotvogarmælingu sýnir eðlismassahlutfallið 1014, sem er innan marka sem gefin eru upp af framleiðanda. Útreikningar sýna að hann ætti að vera um 6,97% áfengur. Nú er bara að bíða í nokkrar vikur þar til hægt verður að drekka...
Skál!
Gerjandi: Flat tire ale Þroskandi: Mjöður Smakkandi: Smje Drekkandi: English bitter, hvítvín, Tripel Hugsandi: Gerjað malt
Það vildi svo til að ég smakkaði líka eftir fjóra daga. Það kom mér á óvart hve mikið af kolsýru var komin í og ekki síður hve dökkur bjórinn var, þrátt fyrir að vera Pale Ale. Hann bragðaðist bara furðuvel, en ég bjóst við að þessi frumraun mín yrði ekki upp á marga fiska. Hjalti, Andri og Óli voru sammála því á mánudagsfundinum...
Gerjandi: Flat tire ale Þroskandi: Mjöður Smakkandi: Smje Drekkandi: English bitter, hvítvín, Tripel Hugsandi: Gerjað malt
Athugaðu að hugtakið Pale Ale er gamalt, og frá þeim tíma þegar megnið af bjór sem var bruggaður var mjög dökkur eða jafnvel svartur. Þótt þetta sé kallað ljósöl er þetta ekki endilega ljóst samkvæmt okkar skynjun.
Svo var þetta líka extract, en sá bjór verður yfirleitt dekkri en sama uppskrift væri all grain. Sérstaklega LME, sem ég vænti þess að þið hafið fengið í pakkanum. Ekki síst ef þið hafið soðið hluta af vökvanum, en ekki allan, þá dökknar bjórinn oftast töluvert. Ein leið til að komast í kringum það er að bíða með að bæta ca. 2/3 af extractinu út í þar til mjög seint í suðunni, síðustu 10-15 mínúturnar eða svo.
Slæmdægur Brugghús
Í gerjun: Imperial Mild
Á flöskum: Allskonar gamalt dót
Á kút: London Porter, Norskt sveitaöl
Framundan: Bjór
Reyndar eru skiptar skoðanir um hvort eigi að drekka IPA unga eða aldraða. Humlaanganin minnkar hratt, og humlabragðið minnkar sömuleiðis með tímanum. Fer auðvitað eftir því hvort þú ert að sækjast eftir humlageðveiki eða meira jafnvægi. En ef þú vilt humlageðveikina er hann bestur ungur. Ég er farinn að taka eftir því hvað humlarnir eru að minnka í IPAinum mínum, sem er nokkurra mánaða gamall.
Enn og aftur er þetta smekksatriði, en vertu meðvitaður um þetta. Ef þú vilt humlaangan og bragð sem allra mest er bjórinn líklega bestur fyrstu 3-4 mánuðina eða svo.
Slæmdægur Brugghús
Í gerjun: Imperial Mild
Á flöskum: Allskonar gamalt dót
Á kút: London Porter, Norskt sveitaöl
Framundan: Bjór
Það er nú ekki alveg satt, Hallur. Hveitibjór er til dæmis nánast alveg laus við humlabragð, sem og margir belgískir bjórar, en ég myndi ekki flokka þá sem neinn annan drykk. Þetta er smekksatriði og fer algjörlega eftir því hverju er sóst eftir í hvert skipti. Ég er algjör humlahaus, en ég myndi ekki vilja fá súran, belgískan bjór með agalegri beiskju.
Slæmdægur Brugghús
Í gerjun: Imperial Mild
Á flöskum: Allskonar gamalt dót
Á kút: London Porter, Norskt sveitaöl
Framundan: Bjór
Að gerjast: Ekkert Að aldrast: Jörvi Jólabjór, ESB - Engin Sérstakur Bjór, Fuck you up IPA, Jörvi Irish Red Ale, Jörvi Real Ale og EdWorts Apfelwein Að planast: Fyrsti all grain bjórinn.