Ég tel það nokkuð víst að það hafi gerst í secondary hjá þér. Það eru nokkur vandamál sem þarf að passa þegar að maður fleytir yfir í secondary. 1) Hreinsa glerkútinn rosalega vel, alltaf þegar að maður færir bjór frá einu íláti í annað aukast líkurnar í sýkingu. Og það sem að ég tel líklegra: 2) að fleyta bjór yfir í secondary sem að er fullgerjaður getur haft mjög slæmar afleiðingar. Ástæðan fyrir því er að þegar að þú fleytir fullgerjuðum bjór yfir í secondary myndast ekkert CO2 til þess verja bjórinn. Það er ss bara andrúmsloft fyrir ofan bjórinn með öllum þeim óþverra sem að tilheyrir því. Lausnirnar eru þær að fleyta bjór yfir í secondary sem að er ekki alveg fullgerjaður (td þegar að það er komið í 1.018 -1.020 ef að þú gerir ráð fyrir að enda í 1.010-1.012), bjórinn heldur þá áfram að framleiða CO2 sem að þrýstir andrúmsloftinu útúr glerkútnum. Eða að eiga gaskút og fylla secondarykútinn af CO2 áður en að fleytt er yfir.
Hafðu engar áhyggjur Hjalti, þú ert ekki sá fyrsti sem að lendir í þessu og ekki sá síðasti. Þetta er að sjálfsögðu mjög leiðinlegt, en þú ert bara reynslunni ríkari. Það er ekki hægt að vera í þessu áhugamáli og halda að maður muni aldrei lenda í svona. Ég lenti í þessu einmitt í öðru eða þriðja bjór fyrir mörgum árum síðan eftir að hafa fleytt fullgerjuðum bjór yfir í secondary, fékk einhverja týpu af lactobacillus sem að voru svo stórar að maður gat séð þá með berum augum, ekki mjög geðslegt! Persónulega fleyti ég ekki yfir í secondary nema að ég sé að fara að þroska í langan tíma, þeas meira en mánuð. Af minni reynslu held ég að ótti heimabruggara við autolysis sé ástæðulaus. Ég gleymdi einusinni 4,5% mild öl í plastprimary í 6 eða 7 mánuði. Það hafði oxíderast (plast hleypir súrefni í gegn) og það var fáránlega mikið af acetaldehýði, en það var eiginlega það eina, ég var ekki var um neina autolysis. Sem sagt, ég held að heimabruggurum sé óhætt að leyfa bjórnum að vera í plastprimary í 4 vikur án þess að það hafi slæmar afleiðingar.
(Siðanefnd fágunar)
