Simcoe Smash IPA / Ljúflingur

[helgibelgi]

Ég ákvað að henda inn uppskriftinni af þessum IPA þar sem hann er að koma vel út.

Korn:
4 kg Pale Ale eða til að ná Original Gravity í 1.042 (sem sagt alger session bjór)

Humlar:
40 grömm Simcoe í FWH (bætt við eftir meskingu, fyrir skolun) -> gefur ca 70 IBU
40 grömm Simcoe í þurrhumlun 5 daga fyrir átöppun

Ger:
US-05 einn pakki af þurrgeri

Aðferð:
Meskjað við 63°C í 60 mín og skolað vel (ég notast við BIAB). Humlum bætt út í eftir að pokinn er hífður upp, áður en skolað er.
First Wort Humlun á skv. rannsókn minni á fyrirbærinu að gefa meiri smooth beiskjuáferð en 60mín viðbót myndi gefa. Það er talað um að humlarnir gefi 10% meira IBU frá sér en í rauninni sé skynjun okkar á þeim mun nær því að vera eins og ef þeim væri bætt út í við 20mín.
Eftir suðu er kælt niður í 18 gráður, virturinn hristur til að fá súrefni í hann, og síðan gerinu skellt út í.
Leyft að gerjast í 3 vikur við stofuhita. Humlum bætt út í 5 dögum fyrir átöppun.

Þessi er líklega þægilegur fyrir byrjendur, þar sem hann er svo einfaldur, en namminamm hvað hann er góður!

[bergrisi]

Hljómar mjög vel. Er alltaf mjög hrifinn af svona einföldum uppskriftum eins og SMASH.

[helgibelgi]

Ég er búinn að betrumbæta þessa uppskrift.

Grain billið hefur breyst:

3 kg Pale Ale
0,5 kg Munich
0,5 kg hveitimalt

Humlaviðbæturnar eru eins fyrir utan það að ég bætti við Hop Stand:

40 gr FWH
50 gr Hop stand (eftir suðu: kæla niður í 65°C og bæta humlunum við, láta svo liggja í 30 mín (hræra jafnvel á meðan), kæla síðan niður í pitching hitastig)
50 gr þurrhumlun 5 daga fyrir átöppun

Ger: bæði S-04/US-05 eru góð.

[hjaltibvalþórs]

Glæsileg uppskrift. Ég hef svolítið verið að pæla í þessu Hop stand-dæmi. Hver finnst mér vera munurinn á þessu og venjulegri flameout viðbót?

[helgibelgi]

Glæsileg uppskrift. Ég hef svolítið verið að pæla í þessu Hop stand-dæmi. Hver finnst mér vera munurinn á þessu og venjulegri flameout viðbót?

Takk fyrir það, en ég hef ekki prófað að gera side-by-side tilraun á þessu tvennu. Það er hins vegar eitthvað sem þarf að fara á to-brew listann minn.

Ég gerði samt rannsókn á þessu fyrirbæri (Hop Stand) og af hverju fólk gerir þetta.

Ástæðan er sú að ákveðin humla-olía, Myrcene, gufar upp við 63,9°C. Flestar aðrar áhugaverðar humla-olíur gufa upp við mun hærra hitastig. Einnig er isomerization á alpha-sýrunum hætt við lægra hitastig en 80°C. Fólk vill sem sagt ná þessari tegund, Myrcene, úr humlunum og koma í veg fyrir að hún gufi upp og á sama tíma ekki fá neina beiskju úr humlunum. Skoðaðu þessa síðu til að lesa um Myrcene og hvaða humlar innihalda það í prósentumagni eftir humlategund.

[Baldvin Ósmann]

Hvernig myndir þú útfæra First Wort Humlun í BIAB? Henda þeim ofan í 10mín áður en ég hækka hitann upp í 75°? Það ætti að vera um það bil hálftími með tímanum sem það tekur mig að hækka hitann og 10mín hvíld.

[Eyvindur]

Ég myndi bara setja humlana út í eftir mash out. Ég veit ekki hvað Helgi gerir, en það er mitt álit...

[Baldvin Ósmann]

Ég sé það núna að Helgi gerði þetta BIAB. Það er bara þessi partur sem flækti málið fyrir mér því ég veit ekki hvað hann á við með skolun. Ég fylli bara tunnuna af vatni og byrja að hita.

Humlum bætt út í eftir að pokinn er hífður upp, áður en skolað er

[Eyvindur]

Margir skola BIAB, til dæmis með dunk sparge eða einhverjum öðrum ráðum. Gefur manni aðeins aukna nýtingu. Og getur auðvitað verið nauðsynlegt ef maður kemur ekki öllu fyrir í pottinum.

[helgibelgi]

Hvernig myndir þú útfæra First Wort Humlun í BIAB? Henda þeim ofan í 10mín áður en ég hækka hitann upp í 75°? Það ætti að vera um það bil hálftími með tímanum sem það tekur mig að hækka hitann og 10mín hvíld.

Það sem ég gerði var að henda humlunum í eftir að ég aðskildi kornið frá vökvanum. Ef þú setur humlana í pokann þá færðu lítið úr þeim þar sem þeir fara burt með korninu þegar þú tekur pokann (amk sem FWH, en ekkert að því svo sem að henda humlum í með meskingu en það er annað dæmi).

Mín aðferð er að meskja með hluta af vatninu og nota meskpoka (BIAB). Síðan eftir mash-out hífi ég pokann upp og set á sigti, svo skola ég með restinni af vatninu. Ef ég tek FWH þá hendi ég humlunum í þann vökva sem eftir stendur þegar ég er búinn að hífa upp pokann (en ég á samt eftir að skola pokann í sigtinu).

Ef þú notast ekki við BIAB, heldur meskir í kæliboxi t.d., þá myndi ég bara skella humlunum út í ílátið sem þú lætur virtinn renna í úr kæliboxinu (sem fyrsti virturinn rennur út í => FWH).

[Baldvin Ósmann]

Gerði þennan í fyrradag.

5kg pale, 50g/50g Simcoe og er með 23l af 1.047 virti. Ég henti seinni humlunum út í þegar 5mín voru eftir af suðu. Á reyndar 10gr eftir sem ég ætla að nota til að þurrhumla.

Af því humla stundaskráin var svo einföld þá fór ég bara upp og undirbjó matinn á meðan og skildi lokið eftir hálft yfir pottinum. Ég hélt að það myndi ekki hafa mikil áhrif á uppgufun en ég er með 2l meira í gerjunartunnunni en ég átti von á. Nýtnin hjá mér var 70% sem er betra en áður svo ég hitti OG nokkurn veginn.

Hlakka til að bera saman við Centennial IPA-inn sem ég gerði á þriðjudaginn. Ef það hefur engin sérstök áhrif á bragð að uppgufunin var að hluta til hindruð þá ætti ég að hafa nokkuð góðan samanburð á Simcoe og Centennial humlum og hverju Munich Caramunich/pils bæta við Pale ale grunninn. Meskiplanið var eins og báðar lagnir fengu swamp cooler í 4 daga sem er að halda hitanum stöðugum í 18°.

[helgibelgi]

Gerði þennan í fyrradag.

5kg pale, 50g/50g Simcoe og er með 23l af 1.047 virti. Ég henti seinni humlunum út í þegar 5mín voru eftir af suðu. Á reyndar 10gr eftir sem ég ætla að nota til að þurrhumla.

Af því humla stundaskráin var svo einföld þá fór ég bara upp og undirbjó matinn á meðan og skildi lokið eftir hálft yfir pottinum. Ég hélt að það myndi ekki hafa mikil áhrif á uppgufun en ég er með 2l meira í gerjunartunnunni en ég átti von á. Nýtnin hjá mér var 70% sem er betra en áður svo ég hitti OG nokkurn veginn.

Hlakka til að bera saman við Centennial IPA-inn sem ég gerði á þriðjudaginn. Ef það hefur engin sérstök áhrif á bragð að uppgufunin var að hluta til hindruð þá ætti ég að hafa nokkuð góðan samanburð á Simcoe og Centennial humlum og hverju Munich Caramunich/pils bæta við Pale ale grunninn. Meskiplanið var eins og báðar lagnir fengu swamp cooler í 4 daga sem er að halda hitanum stöðugum í 18°.

Hvernig kom hann út hjá þér?