Duchesse De Bourgogne

[Idle]

Nánast rúbínlitaður, þétt og rjómalituð froða heldur sér vel. Súrsætur kirsuberjailmur og eik, og sama í bragðinu. Skilur eftir sig súrsæta beiskju og margslungið bragð sem ég kem ekki fyrir mig. Þessir súrsætu tónar ásamt eikinni, minna mig helst á Merlot.

Ég vona að ekkert af mínu bruggi komi til með að bragðast eins og þessi. Ef ég gæti hinsvegar vanið mig á þetta bragð, þá myndi ég líklega aðeins bragða hann með eftirréttum, e. t. v. góðri súkkulaðiköku.

[Eyvindur]

Ég var að klára flösku af þessum og er á þveröfugri skoðun. Mér finnst þessi bjór algjört nammi. Ef hann væri ekki kjánalega dýr myndi ég kaupa hann í ómældu magni. Þess í stað verður hann líkast til að vera til hátíðarbrigða.

En súrir bjórar eru víst ekki allra.

[aki]

Ég sé að Eyvindur segist vera með rauðöl á flöskum - er það eitthvað skylt hertogaynjunni (uppskrift)?

Er annars með flösku af henni í ísskápnum og er að mana mig upp í að smakka...

[Eyvindur]

Nei, enda er hertogaynjan belgískt sterköl. Rauðölið er meira í ætt við Móra (stíllega séð, en þó gjörólíkur bjór).

[aki]

Prófaði hertogaynjuna. Fannst hún bara smakkast vel. Minnti mig dálítið á létt og sætt freyðivín. Mjög ávaxtarík með eikarkeim. Hausinn var álíka varanlegur og á freyðivíni en skildi þó eftir gardínur á glasinu. Maltkeimurinn var mjög lítill og stoppaði stutt við en ávaxtabragðið situr lengi eftir.

Kannski dálítið skrýtið að drekka bjór sem minnir meira á freyðivín, en ég ímynda mér að þetta gæti verið góður veisludrykkur... fyrir útrásarvíkinga... miðað við þetta verð.

Ætla að prófa kriek næst þegar ég rekst inn í Skútuvoginn.

[karlp]

w00, hún er komin aftur! hún er til í skútuvogi amk. og, 499kr/ ef ég man rétt var yfir 500 siðast?

[sigurdur]

w00, hún er komin aftur! hún er til í skútuvogi amk. og, 499kr/ ef ég man rétt var yfir 500 siðast?

Frábært!

Þessi er einn af mínum uppáhalds bjórum.

[Andri]

Þetta er uppáhaldsbjórinn minn, verst að hann er svona dýr.
Ég hef verið að reyna að fá vini mína í að prófa hann en ætli þeir þurfi ekki einhvern grunn fyrst, maður hoppar ekki beint í efsta skrefið.
Ég elska þennan bjór bókstaflega, ég elska að finna fyrir nýju bragði eftir hvern sopa. Þetta er bara fullnæging að mínu mati

http://www.beertools.com/html/recipe.php?view=5338" onclick="window.open(this.href);return false;
Spurning um að prufa þetta?