Fágun

sæl- ar/ir!

Gleðilegan föstudag!

Létt öfund til þeirra sem eru að fara í ölvisholt á eftir

Með öfund í hjarta fór ég í ríkið til að versla páskabjóra.
Mér til mikillar hamingju sá ég saison brett frá borg!

Ég vildi athuga hvort fólk hefði opnað einn slíkan og prófað?

Kanski erfitt að biðja fólk um að vita hvort hann verði betri en alla vega væri gaman að vita hvort hann sé góður eins og hann er í búð í dag.

Ég fagna því að íslenskt brugghús hafi sent frá sér brettaðan bjór. Þegar ég fékk fyrst að smakka hann þá var ekki augljóst að hann væri brettaður. Nú hefur það aðeins komið betur fram og á eftir að verða mun meira eftir nokkra mánuði. Ég myndi reynað kaupa eins marga og þú færð og hefur efni á. Þessi verður klárlega klassík og vonandi upphaf af aukinni brett- og súrvitund landans.

Já ég var nokkuð ánægður með hann - Bestur af páskabjórunum klárlega. Ég hef reyndar ekki smakkað páskabjórana frá Gæðing og Steðja, en hef ekki miklar áhyggjur af því að þeir velti borg úr sessi með besta páskabjórinn

Ég er langt kominn með einn af þeim þrem sem ég náði í
Verð að segja að fyrir mína parta þá er hann er orðinn þægilega brettaður, en ég er líka algjörlega á fyrstu skrefum mínum hvað Brett varðar. Sumir mundu eflaust segja að hann væri ekki kominn af stað ennþá.
En ég á tvo til viðbótar.
Þeir verða geymdir og vonadi munu þeir fylgja brett-þroska mínum vel.
Skál.

Ég varð fyrir vonbrigðum. Finnst hann of sætur og fönkið ekki á þannig stað að hann sé að gera neitt fyrir mig. Ég á nokkur stykki og ætla að geyma þetta dágóða stund. Vonandi þurrkar brettinn þetta aðeins.

Eftir hve langan tíma getur maður búist við að Brettinn verði farinn að hressast í honum?

1-24 mánuði, kannski lengur

Planið hjá mér er að smakka á 3 mánaða fresti. (3-6 mánuðir eru oft sweet spot með brett.)

Opnaði einn Láka í kvöld finnst hann hafa breyst mikið.
Komið smá súrt í hann samt sætur og hellingur af litlum hlutum í gangi.

Mæli með ef fólk á að opna einn til að smakka.

Ég smakkaði einn um helgina, hann var ágætur. Fann enga aukna sýru svosem, enda gefur brett enga sýru. Ágætur bjór alveg.