Fágun

Þennann kom ég með frá Danmerkurferð í sumar. (ath... myndin er ekki frá mér, ég hreinlega gleymdi mér í drykkjunni )
Svaneke bryghus er lítið brugghús í bænum Svaneke sem staðsettur er á eyjunni Bornholm (en ég var einmitt þar í fríi), en þrátt fyrir smægð brugghússins er mikið úrval af öli fáanlegt frá þeim, bæði á dælu sem og í flöskum.

En þetta er sumsé Choco Stout 5,7%
Boddíið er nær svart á lit og hausinn ljóssúkkulaðibrúnn.
Þegar maður þefar kemur á móti manni gífuleg súkkulaðilykt (bæði dökkt og ljóst) sem kítlar mann í nefið á meðan maður bragðar á. Við drykkju þá finnur maður greinilega fyrir vanillu og kaffi en hann er þykkur og kremaður á tungu.
En hann kom mér skemmtilega á óvart og ég dauðsé eftir því að hafa bara tekið eina flösku með mér heim af þessum.
Þetta er ekta desertbjór.

Lætur vel í eyrum! Eitthvað sem þú tækir með franskri súkkulaðitertu, eða jafnvel Tiramisu?

Idle wrote:Lætur vel í eyrum! Eitthvað sem þú tækir með franskri súkkulaðitertu, eða jafnvel Tiramisu?

Ég veit ekki með þá frönsku, gæti verið of mikið súkkulaði. En hann myndi fúnkera flott með Créme Brulée, Skyrtertu eða eitthverju álíka.