Sterkur (4.5%) bitter frá Nynäshamns Ångbryggeri (http://www.nyab.se). Þetta er örbrugghús stofnað 1997 í Nynäshamn sunnan við Stokkhólm. Bedarö er fyrsta ölið sem brugghúsið framleiddi og hefur unnið til einhverra sænskra verðlauna.
Flaskan er ekki sérstaklega aðlaðandi en innihaldið þeim mun betra. Þessi stóð hiklaust upp úr í ferðinni. Glæsilegur Cascade og Chinook bragðvöndur, ferskur, léttleikandi og ljós. Mikið kolsýrður sem á fullkomlega við í þessu tilviki og leysir humlabragðið úr læðingi í nefi og munni. Ég var virkilega sáttur við þennan bjór og það er ekki bara af því að ég er með bitter á heilanum . Einkunn: 4/5.