Fágun

Rak glyrnurnar í þennan í Heiðrúnu. Stát frá brugghúsinu Meantime í Bretlandi.

Dökkbrúnn, lítill haus. Ilmar af súkkulaði og bragðast eins og súkkulaði með örlítið ristuðum tónum. Frekar léttur og e. t. v. aðeins of kolsýrður.

Ágætis öl. Hefði þó gjarnan viljað hafa hann svolítið þéttari og minna kolsýrðan.

Datt niður á þennan í Kringlunni áðan. Súkkulaði og mikið af því í nefi. Súkkulaði, malt og vottur af kaffi í munni, en lítið af humlum. Lítill haus, enda væri það ekki í takt við stílinn held ég, en flott "lacing", ekki frá því að ég gæti talið sopana hefði ég farið aðeins varlegar með glasið. Ekki alveg minn tebolli, en fínasti drykkur fyrir því, en ég sé mig samt ekki kaupa hann aftur, í það minnsta ekki mikið af honum, og hjálpar verðmiðinn alls ekki til þar, þótt hann sé örugglega vel peninganna virði fyrir þá sem fíla svona bjóra. Aðdáendur maltríkra og ristaðra bjóra ættu endilega að prófa.

Smakkaði þennan í gær, fann hann í Kringlunni. Mér fannst hann mjög ljúfur. Eins og sagt er á heimasíðunni þá er þetta svona desert bjór. Flottur eftir mat með konfekti. Alls ekki til að fá sér meira en einn.

Get alveg hugsað mér að kaupa hann aftur.