Fágun

Sæl öll!

Kominn tími á að henda í eina sjálfskynningu þar sem mér sýnist ég vera kominn "past the point of no return" í þessu hobbýi

Einar heiti ég og byrjaði að brugga ásamt nokkrum vinum rétt fyrir síðustu áramót. Við splæstum saman nokkrir í byrjendapakka hjá brew.is í nóvember og fyrstu Bee Cave bjórarnir runnu ljúft niður um jólin (heilir 8 á mann!). Við bættum strax við kælispíral fyrir suðu nr 2 og bjórinn varð ennþá betri! Þá var ekki aftur snúið, bjórfélagið okkar ákvað að fara all in og kaupa risa pott til að geta bruggað þannig magn að hver og einn okkar fengi ca 20-25 bjóra úr hverri suðu. Hrafnkell seldi okkur 100L pott með tveimur 3500W elementum (stærri element hefðu kallað á stærri öryggi í bílskúrnum). Við fórum kannski full mikið fram úr sjálfum okkur, enda BIAB í 100L potti ekkert grín, en núna eigum við þennan myndarlega pott og reynslan tikkar inn með hverri suðu! Næst á dagskrá er einfaldur falskur botn og svo einhvers konar talíukerfi til að hífa upp meskipokann. Svo förum við að huga að hitastýringu fyrir meskingu með sumrinu þegar hlutafé í bjórfélaginu okkar verður aukið

Annars segi ég bara skál

Glæsilegt! Velkomnir/komin í hobbíið. Hlakka til að heyra meira af ykkar reynslu og niðurstöðum.

Velkominn Einar, ég get staðfest að fyrstu bjórarnir ykkar hafa lukkast vel

Væri ekki bara málið að útbúa falska botninn þannig að þið gerið híft pokann upp með honum, þ.e. húkkað talíunni í falska..? Hann þyrfti sennilega að vera í 3mm gataplötu eða álíka

Velkominn á spjallið Einar

rdavidsson wrote:Velkominn Einar, ég get staðfest að fyrstu bjórarnir ykkar hafa lukkast vel

Væri ekki bara málið að útbúa falska botninn þannig að þið gerið híft pokann upp með honum, þ.e. húkkað talíunni í falska..? Hann þyrfti sennilega að vera í 3mm gataplötu eða álíka

Ekki slæm hugmynd!

Ég fékk fjórfalda trissu í Verkfæralagernum fyrir ca. ári síðan. Kostaði sáralítið og hefur gagnast yndislega - ekkert mál að lyfta pokanum upp úr (að vísu bara með 72l pott, en þúst...).

Eyvindur wrote:Ég fékk fjórfalda trissu í Verkfæralagernum fyrir ca. ári síðan. Kostaði sáralítið og hefur gagnast yndislega - ekkert mál að lyfta pokanum upp úr (að vísu bara með 72l pott, en þúst...).

Snilld, ég tékka á þeim. Ertu þá að lyfta pokanum sjálfum með talíukerfinu? Eða ertu að krækja í falskan botn eins og Raggi stakk upp á??

Takk fyrir allar ábendingar og aðstoð!

Lyfti pokanum. Fékk extra fancy poka hjá Kela með lykkjum til að hengja á krókinn. Veit ekki hvort slíkt er ennþá í boði (tímafrekur andskoti), en það eru þá staðir erlendis sem bjóða allskonar.

Já ég var á tímabili að sauma poka eins og á https://www.facebook.com/pages/CustomBIAB-Brew-Bags" onclick="window.open(this.href);return false; en gafst upp á því vegna tímaleysis - Tekur mig 30-60mín að sauma hvern poka.

Ég sé núna að custombiab eru líka hættir að afgreiða þá..

Held að http://www.brewinabag.com/" onclick="window.open(this.href);return false; sé með talíuvæna poka.

Vitið þið hvar, á Íslandi þá, er hægt að fá þessi bönd sem brewinabag.com notar ?

Brew.is til dæmis Ég keypti mörg hundruð metra af þessu á sínum tíma, en hef ekki notað þau vegna þess hve tímafrekt er að sauma pokana.

Fór í svaka talíumission í dag, helstu niðurstöður:

Bauhaus býður upp á úrval af talíum og reipi, en ekkert svona komplett kitt. Voru reyndar engar upplýsingar um hvort þetta væri ryðfrítt eða yfirborðsmeðhöndlað sem mér fannst skipta máli þar sem þetta verður væntanlega fest beint yfir pottinum. Svo eiga þeir reyndar rafmagnsknúinn lyftara sem kostar litlar 28 þúsund ef menn eru ekki að velta aurunum fyrir sér.

Byko átti skammarlega lítið úrval m.v. Bauhaus. Ekkert kitt. Fór frekar svekktur þaðan út en svo var Bæjarins Bestu með pylsuvagn fyrir utan og það fylgdi frítt kók í gleri með pylsunni sem létti skapið aðeins

Verkfæralagerinn átti svona kitt á litlar 2.485 kr og var strákurinn í búðinni í stuði og gaf mér 5% afslátt! (Takk fyrir ábendinguna Eyvindur)

Verkfæralagerinn klikkar aldrei.