Fágun

ég vill byrja á að þakka fyrir þessa frábæru síðu og hvað hjálpsemin virðist svífa yfir vötnunum hér

ég hef bruggað bæði bjór og léttvín úr kittum í gegnum árin en er að koma mér upp betri aðstöðu og ætla að fara að stíga mín fyrstu skref í alvöru bjórbruggun.

ég var að velta fyrir mér hvort einhver gæti bent mér á góða uppskrift til að byrja á. ég er mest fyrir svokallaða danska classic bjóra (Carls special, Tuborg classic etc) sem kallast víst All Malt Pale Lager, en hefur sýnst það vera full flóknar uppskriftir til að byrja á. er því að leyta að einhverju með svipað bragð en einfaldari.

kveðja,
Einar

Velkominn Einar í hópinn. Í Fágun tökum við vel á móti nýliðum og vertu endilega duglegur að spyrja spurninga hér á spjallþráðnum eða á fundum sem haldnir eru mánaðarlega. Ef þú ætlar í "alvöru bjórbruggun" ættiru að líta til Hrafnkels í brew.is og kanna hvað hann er með. Margir byrja á að gera Beecave uppskriftina sem þeirra fyrsta bjór. Bæði er hann einkar einfaldur í gerð og svo bragðast hann líka mjög vel, ekki ósvipaður því sem þú ert að leita að.

Velkominn. BeeCave er mjög traust og góð byrjun.

Velkominn í hópinn og á spjallið!

Það hljómar eins og þú viljir gera lager-bjór sem hefur örlítið meiri malt/karamellu-karakter ("dekkri" en hefðbundnir lagerbjórar). Bee-cave er vissulega einfaldur bjór sem þægilegur fyrir byrjendur og góður á bragðið. Hann er samt mjög ólíkur Tuborg Classic og öðrum bjórum sem kallaðir eru "classic". Hann er öl, ekki lager, og er líklega eitthvað í áttina að American Pale Ale, en alls ekki dönskum lager. Hann er samt góður bjór, og hentar vel sem fyrsti all-grain bjór.

Ef þú hefur möguleikann á hitastýrðri gerjun gætirðu hermt eftir Tuborg Classic. Það væri ekkert flóknara en að gera Bee Cave. En ef ekki, þá hentar Bee cave mjög vel sem fyrsta skref (en líka öll önnur öl).

Velkominn
Ég er líka mikið fyrir danska Classic lagera og hef prufað að brugga öl sem er í ætt við þá.
Næsta sem ég hef komist er uppskrift sem ég fann á Homebrewtalk af bjór sem heitir Common Room Ale. Mjög skemmtilegur bjór með frábæran maltkarakter.
Hér er linkur á mína útgáfu. Gerið þarf ekki að vera London ESB, S-04 þurrger hentar flott í þetta (og er notað í upprunalegu uppskriftinni frá HBT).

Konan mín er einmitt mest fyrir Classic (og ég er hrifinn af slíku líka), þannig að ég brugga gjarnan fyrir hana einfaldan bjór sem er svipaður. Sá er ekki lager, en hann er gerjaður við frekar lágt hitastig. Ætti samt að vera fínn þótt hitastigið sé ögn hærra.

Uppskrift og punkta er að finna hér: http://fagun.is/viewtopic.php?f=8&t=2840" onclick="window.open(this.href);return false;

Gangi þér vel!

Takk kærlega fyrir góð svör. Nú er ég loksins búinn að koma mér upp aðstöðu og "modda" gömlu fötuna mínar með hitaelementum og krana. Búinn að búa mér til kælispíral og var að kaupa mér Bee Cave start pakka hjá Brew. Stóri B-dagurinn er svo annað kvöld.. langþráður draumur. Ég hef ekki enn möguleika á kælingu en það kemur Nú ætla ég að byrja á þessu og fikra mig svo í átt að Classik afbrigðum. Takk enn og aftur