Árni Long heiti ég, 24 ára, bý í vesturbænum og geri minn eigin bjór
Búinn að vera hér á spjallinu frá upphafi, var að fatta að ég ætti kannski að kynna mig. Ég var þó búinn að því á upphaflegu fágunarsíðunni. Ég er búinn að vera í all-grain bjórgerð síðan veturinn 2004-2005. Ég hef mikið reynt að nota bjórgerðina til að kynnast betur stílum sem hafa ekki verið í boði hér á landi og er sérlega mikill áhugamaður um lambic (óblandaða, blandaða og ávaxtabætta). Stoltið mitt um þessar mundir er einmitt lambic sem ég lagði í 2007, fyrir viku henti ég í hann nokkrum kílóum af íslenskum aðalbláberjum frá vestfjörðum.
Brugghúsið mitt er mjög einfalt en virkar mjög vel fyrir mig, ég viðurkenni það fúslega, ég er ekki mikill græjukall. 25 lítra pottur, suða fer fram á eldavélahellunni(ég er alveg furðufljótur að ná upp suðu), kælibox með klósettslöngutengi, Nýtni hjá mér er um 80% ef ég meskja við 68°C, 3/8 koparkælispírall sem kælir virtinn á 10-15 mín. Ég er alltaf á leiðinni að fá mér stærri pott, en þegar ég hef verið að gera stóra bjóra á borð við Imperial Stout hef ég alltaf bara gert 12-15 lítra laganir og þá ræður potturinn vel við það.
Ég hef líka verið að gera mjöð en er ekki jafn iðinn við það. Og fíflavín hef ég líka gert með ágætum árangri. Rifsberjavín gerði ég einu sinni og það geri ég líklega aldrei aftur.....
Algjör óþarfi að bjóða mig velkominn, ég veit að ég er það
Hlakka til að hitta sem flesta á framtíðarfundum Fágunar.
