Ég heiti Tryggvi og var að enda við að kaupa mér bruggsett frá brew.is (takk hrafnkell!) - BIAB bruggsettið er að keyra í gegn sína fyrstu lögun (Bee Cave - sem fylgdi með). Ég hef ákveðið að kalla bruggsettið (og íbúðina mína þegar brugg er í gangi): Gestrisna þar sem planið er að bjóða alltaf einum vini með í bruggunina (ég á svo marga vini sem hafa sagst vilja byrja að brugga en aldrei látið verða af því). Þá splittast hver lögun á tvo/tvö (þótt ég svolgri bjór þá ræð ég örugglega ekki við tilraunastarfsemina), ég fæ fleiri fjölbreytni í úrvalið mitt, hjálp við bruggferlið, bruggferlið verður skemmtilegra og ég næ að kynna fleirum fyrir heimabruggun (fjölga í hópnum).
Ég hef ákveðið að fyrsta lögunin sem er í gangi núna mun fá nafnið: Aleinn (lesist hvernig sem fólk vill: "eilinn", aleinn eða "ale einn"). Ætli ég verði svo ekki að halda áfram að gefa lögunum nafn út frá því hvar þær eru í röðinni (eitthvað með 2 er þá næst).
Sjáum svo hvað ég get fjölgað í hópnum og hver fjölbreytinin verður í úrvalinu mínu (om nom nom eða öllu heldur slurp slurp).
Við ætluðun nú líka að splitta með okkur einni lögun ég og vélstjórinn vinur minn, en við komumst fljótt að því að sökum þess hve bjórinn tókst vel, var nauðsynlegt að stækka lögunina þar sem við náðum ekki að brugga nógu hratt. Nú erum við komnir með sérsmíðan pott eigum í fyrsta skiptið birgðir.
hallhalf wrote:Við ætluðun nú líka að splitta með okkur einni lögun ég og vélstjórinn vinur minn, en við komumst fljótt að því að sökum þess hve bjórinn tókst vel, var nauðsynlegt að stækka lögunina þar sem við náðum ekki að brugga nógu hratt. Nú erum við komnir með sérsmíðan pott eigum í fyrsta skiptið birgðir.
Já, það verður örugglega þannig líka hjá mér en aðalsportið sem ég sé í þessu er einmitt bruggferlið sjálft og svo smakka á mismunandi tegundum frekar en endilega að safna upp einhverjum birgðum.
Þetta segi ég samt núna... með rúmlega viku í smakk á fyrstu löguninni. Það gæti verið að heimsmyndin breytist við fyrsta sopa
Þetta er nefnilega bjórgerðar hobby en ekki bjórdrykkju hobby. Svo fylgir þetta að, nú á ég birgðir en það kemst bara að í hausnum hvað á ég að búa til næst.
Með vinsemd og virðingu
Rúnar
Á flöskum allt frá ljúfum lagerum til rífandi RIS