Óreyndur, en upprennandi.

[Proppe]

Sælir séu fágaðir.

Jóhannes Proppé heiti ég, matreiðslumaður á kexinu. Hefur mér löngum þótt sopinn góður af ölinu, og hef svona verið að smakka af og til bruggið hjá Birni Klassiker. Fór svo um miðjan maímánuð að kauði leit í lítið afmælisgrill hjá mér með nokkra ægilega góða heimagerða, að ég fékk bakteríuna, og smitaði frá mér niðrá Kexi. Óð í beinu framhaldi í byrjendapakkann hans Hrafnkels, með viðbótum, og hef ekki litið til baka. Það er bara tíma og peningaspursmál í að plássið klárist undir græjur í fyrrverandi gestaherberginu mínu...

Nú er ég sjálfur kominn með tvær laganir á flösku, aðrar tvær í gerjun, litla stæðu af bókum á skrifborðið og nokkrar á lista í næstu pöntun.
Restin af eldhússtaffinu er annað hvort búið að kaupa græjur, eða að telja niður fram að mánaðarmótum.
Stefnir allt í að þessir mánudagsfundir verði aðeins líflegri í haust.

[bjarkith]

Mun eldhúsið loka einn mánudag í mánuði?

En annars velkominn og gangi þér vel, ekki vera óhræddur við að spurja.

[bergrisi]

Velkominn. Þetta er stórskemmtilegt sport.

Bókabunkinn minn hefur farið stækkandi og telur nú tæplega 10 bækur um bjór og bjórgerð. Alltaf hægt að læra eitthvað en mest lærir maður á að búa til bjóri sjálfur.

Gangi þér vel og ykkur öllum á Kex.

[sigurdur]

Velkominn á spjallið.
Frábært að fá ykkur inn í hópinn

[Classic]

Ég man [lauslega] eftir þessu grilli .. mér fannst ég mæta með svo mikið nesti, því það átti að verða ríflegur afgangur sem kalla átti afmælisgjöf, en ég þurfti að gera mér ferð daginn eftir með ábót því kassinn tæmdist rétt um miðnættið. Styttist í að við þurfum að plana næsta grill. Hvað er langt í fyrstu flöskurnar? 2 vikur?

[Proppe]

Hveitibjórinn eftir tvær, fölölið svona þrjár.

[halldor]

Velkominn og takk fyrir síðast.
Mundu bara að hafa Ray Daniels bókina alltaf nálægt þér þegar þú ert að búa til uppskriftir. Það er fátt skemmtilegra en að stúdera stílinn í þaula áður en maður skellir saman uppskrift... jú reyndar er skemmtilegra þegar bjórinn heppnast vel