Sjálfskynning - Plammi

[Plammi]

Halló
Pálmi heiti ég og er að stíga mín fyrstu skref í heimabruggun.
Eins og er mun ég aðeins brugga það sem ég get með þessum grunn víngerðarpakka. Hef ekki alveg aðstöðu fyrir suðugræjur og þessháttar.
Ég er buinn að lesa mig mikið til hér á þessu spjalli og homebrewtalk ásamt nokkrum vídeoum á Youtube (aðalega craigtube), og það er sérstaklega frábært að sjá hversu virkt þetta spjall er.
Það sem ég endaði með að setja fyrst í gerjun er Better Brew Export Lager + 1kg bruggsykur úr Ámuni. Þetta er búið að malla í 3 daga og loftlásinn rekur við eins og enginn sé morgundagurinn.
Ég verð að viðurkenna að ég er nú ekki þolinmóðasti maður í heimi þannig að biðin eftir niðurstöðunum verður ekki auðveld...

En ég hef nokkrar spurningar sem mig langar að henda upp hér:
Er mér alveg óhætt að setja bjórinn á þessar hefðbundnu gosflöskur (kók, sinalco og þ.h.)? Finnst pínu kjánalegt að borga meira fyrir tómar PET flöskur í Ámuni heldur en fullar í Bónus.
Er mikill gæðamunur á að nota fljótandi malt extract í stað bruggsykurs? Langar soldið næst að gera Coopers Real Ale eða IPA með BREWFERM UNHOPPED MALT EXTRACT 1.5 kg í stað sykurs. Er ég eitthvað í ruglinu hérna eða á réttri braut?

Kveðja,
Pálmi

[hrafnkell]

Það hafa alveg einhverjir notað plastflöskur með ágætis árangri. Ég mæli samt ekki með því og frekar mæli ég með því að nota glerflöskur.

Ég myndi segja að munurinn á milli þess að nota sykur og extract sé sá að með sykri færðu vondan bjór en með extract ágætan og jafnvel góðan bjór

[Plammi]

Takk fyrir þetta.
Ég er byrjaður að safna glerflöskum en bara gengur ekkert sérstaklega vel, en planið er að hafa allt í 500ml gleri í framtíðinni.

[sigurdur]

Velkominn Pálmi.

[bergrisi]

Velkominn. Þolinmæði er dyggð. Fyrstu laganir eru erfiðastar en ef þú ert nógu duglegur þá kemstu ekki yfir að drekka bjórinn nógu hratt og þá fær hann að þroskast nógu mikið.

Ég hef þrisvar gert bjór úr dósum. Fyrst með bruggsykri og svo tvær dósir í eina lögun. Ef ég geri svoleiðis aftur þá ætla ég að nota tvær dósir og ger frá Brew.is en á ekki von á því það er ódýrara að gera all grain.

Mínir dósabjórar voru ekki frambærilegir en ég drakk þá alla.

[Classic]

Velkominn.

Heilmikill gæðamunur á því að nota sykur og að nota extrakt. Tala nú ekki um þegar þú "útskrifast" úr kittunum og ferð að nota algjörlega óhumlað extrakt og nota með því humla og ger frá brew.is, þá ertu alveg orðinn "samkeppnisfær" við AG gaurana í gæðum, þótt kostnaður sé talsvert meiri. Ég læt mig hafa það, bjórinn kostar samt ekki nema þriðjung á við það sem Ríkið rukkar, og mér finnst svo þægilegt að geta bara klárað þetta á eldavélinni á 3 tímum sléttum.

Til að byrja einfalt mætti t.d. prófa að taka tvær ljósar Brewferm dósir í 20l, humlað og gerjað eins og BeeCave ölið á Brew.is. Ef þú átt ekki nógu stóran pott til að sjóða 20l er best að setja bara aðra dósina strax í upphafi suðu, bæta rest við þegar svona korter er eftir, þynna svo út í tunnunni. Held það megi sjá flestar útfærslur af verklaginu með extrakt bruggerí einmitt hjá Craigtube. Kennslumyndböndin hjá honum eru ágæt þótt ég taki minna mark á smakkvídeóunum, það virðist hér um bil allur bjór góður að hans mati

[Plammi]

Takk fyrir þessi svör.
Það er allavega margt sem manni langar að prófa á næstunni og þetta er greinilega mjög skemmtilegt hobby.