Sæl öllsömul,
Ég var að opna fyrstu flöskuna af fyrsta bjórnum sem ég hef bruggað, eftir viku í flösku. Þetta er Bee Cave frá brew.is, hann er góður (!), og vegna þess hvaðan hann kemur er hann náttúrulega besti bjór í heimi akkúrat þessa stundina. Í sumar var ég að vinna að mastersverkefni og ákvað að finna mér eitthvað til dundurs á meðan til að tapa ekki glórunni, svo ég fór að lesa mér til um bruggun. Ég rakst fljótlega á þessa síðu og hef lesið og fylgst með síðan. Ég vil þakka kærlega fyrir allan þann fróðleik og spjall og spár sem hér hefur verið safnað saman, þetta er ómetanlegt fyrir einhvern sem byrjar á núlli í gúglinu.
Þannig að ég vildi bara tilkynna mig og þakka fyrir, og svo er bara að halda áfram, ég held það sé engin spurning úr þessu.
Já og gleðileg jólin í ofanálag!
Björn Unnar