Á aðalfundi í vor komu upp miklar umræður um lög Fágunar. Samþykkt var, að tillögu Elvars, að mynda sérstaka nefnd sem myndi vinna að endurskoðun laga félagsins, laga uppsetningu þeirra og skýra betur ýmsa þætti starfseminnar.
Auk Elvars, ætla ég að starfa í nefndinni fyrir hönd stjórnar. Okkur vantar þá einn nefndarmann í viðbót og óskum hér með eftir sjálfboðaliðum.
Þetta er afmarkað verkefni og kjörið tækifæri fyrir áhugasaman félagsmann til að leggja hönd á plóg. Kostur er ef um er að ræða löglærðan aðila, eða einhvern með góða reynslu af félagslögum en við gerum þó ekki kröfu um slíkt.
Áhugasamir geta kommentað hér eða haft beint samband við mig.