Aðalfundur Fágunar 2020

Upplýsingar um viðburði og tilkynningar frá stjórn Fágunar

Aðalfundur Fágunar 2020

Postby Classic » 12. Feb 2020 18:41

Aðalfundur Fágunar verður haldinn á Bryggjunni brugghúsi, Grandagarði 8, fimmtudagskvöldið 27. febrúar kl.19:00. Fundurinn er aðeins fyrir gilda félagsmenn frá 2019 eða þá sem hafa nú þegar greitt félagsgjald fyrir 2020. Við biðjum alla sem ætla að mæta að skrá mætingu sína (annað hvort með athugasemd hér fyrir neðan eða á Facebook viðburðinum) til að auðvelda skipulag. Við munum bjóða uppá barsnakk og bjór - ásamt því að áhugasamir eru hvattir til að koma með heimabrugg. Ef þið stefnið á að koma með kút þá væri ágætt ef þið látið vita af því svo stjórnin sjái hvort það sé þörf fyrir kútastöð Fágunar.

Framboð í embætti skal bera sem svör við þessum þræði eða á fundinum sjálfum.

Skv. 7. grein laga félagsins þurfa breytingatillögur á lögum að berast minnst 7 dögum fyrir aðalfund, þ.e. fyrir kl. 19:00 þann 20. febrúar.

Breytingatillögur skal leggja fram sem svör í þessum þræði skv. lögum félagsins. Þegar breytingatillögur eru lagðar fram skal tilgreina hvort um nýja grein sé að ræða eða breytingu/viðbót við eldri. Sé lögð fram tillaga um breytingu/viðbót við eldri grein í lögum skal tilgreina númer greinar.

Dagskrá fundarins er með svipuðu sniði og undanfarin ár:

1. Kjör fundarstjóra og ritara.
2. Ársskýrsla stjórnar og umræður.
3. Endurskoðaðir reikningar fyrir hið liðna reikningsár, með athugasemdum skoðunarmanns reikninga, eru lagðir fram til samþykktar.
4. Starf og fjárhagsáætlun lögð fram til umræðu og ákvörðun tekin um hvernig skuli fara með hrat síðasta starfsárs.
5. Árgjald lagt fram til umræðu og samþykktar.
6. Lagabreytingar.
7. Kosningar: kosnir 5 í aðalstjórn. Enn fremur 1 skoðunarmaður reikninga og annar til vara. Kosið er til eins árs eða til næsta aðalfundar.
8. Önnur mál.
9. Nýrri stjórn fagnað.
Klassiker ölgerð, Reykjavík
Í gerjun: #fössari (California lager)
Í glasi: Svarthöfði (Imperial stout), #fössari, Snati (Northern English Brown), Apaspil (APA), Fimmta stjarnan (ABA)
Á næstunni: Jólabjór, uppsetning á kútakerfi, útskriftarveisla, halda partíinu gangandi
User avatar
Classic
Gáfnagerill
 
Posts: 318
Joined: 18. Feb 2010 21:14
Location: Reykjavík

Return to Viðburðir og Tilkynningar

Who is online

Users browsing this forum: No registered users and 3 guests

cron