Sælir félagar,
Hérna kemur smá kynning á BIAB græjunum sem ég og tveir félagar mínir höfum verið að smíða hægt og rólega síðustu vikurnar. Í febrúar síðastliðnum ákváðum við að skella okkur í þetta og eru flestar hugmyndirnar fengnar af þessu frábæra vef fágun.is!
Það fyrsta sem var gert var að raða saman og tengja stýriboxið sem við ætlum að nota til að stýra hitaelementinu, hér kemur smá myndasyrpa af því helsta:
Stýriboxið tilbúið og svínvirkaði, enginn reykur!
Við pöntuðum stýribúnaðinn (PID reglir, 40A SSR relay, kæliplötu og K-thermocouple hitanemi) á Ebay og kostaði það um 8.500 kr hingað komið með vsk og tollum (45 USD), sem ég myndi segja að væri frekar vel sloppið.
Keyptum tvo rofa í Rafvörumarkaðinum, annar kveikir á reglinum og hinn rífur stýristrauminn fyrir SSR relay-ið svo það sé ekki að hleypa straumi á elementið þó maður sé að fikta í reglinum! rofarnir kostuðu um 1.000kr saman.
Þessa rándýru tengla keyptum við í Íhlutum á c.a 3.500kr......
Planið var að kaupa 60L plasttunnu í Saltkaupum sem við ætluðum að nota til meskjunar/suðu, en enduðum í að smíða 75L pott úr riðfríu stáli (hliðar og lok 1.5mm og botn 2mm):
Gamli góði valsinn fékk að finna fyrir því!
Byrjað að punkta pottinn saman (TIG):
Búið að sjóða pottinn saman að mestu:
Við stefnum á að klára pottinn á morgun, setja fætur á hann/litla grind til að hann verði í þægilegri hæð. Einnig ætlum við að smíða falskan botn til að hafa fyrir ofan elementið svo pokinn brenni ekki.
Hendi inn fleiri myndum síðar. Öll komment vel þegin