Fágun

Hér er smá sería af myndum. Ég bjó til hús fyrir 5.5 kW elementin. Keypti álbox í íhlutum (115x90x50 mm). Veggþykktin er rétt um 3 mm svo boxið er mjög sterkt og þolir vonandi smá hnjask sem verður við þrif og þess háttar.

Box uppsett í rennibekk. Áður var ég búinn að miðjubora það til að einfalda uppsetningu í bekknum.



Notaði þrepabor til að stækka gatið og spara mér vinnu við að renna.



Renna, renna og aftur renna



Ég renndi gat sem er 32 mm (1 1/4") svo að hitaldið sleppi í gegn. Ég skóf einnig niður um 1.5 mm fyrir þéttihring. Þetta gerði ég nú bara til að fá eins mikla gengjulengd og hægt er.



Þéttihringurinn situr vel.







Boxið fest við pottinn. Ég á svo eftir að ganga frá tengingum og þess háttar.



Hér sést þéttihringurinn

Þvílík listasmíð. Verður gaman að sá etta í action.

Bjó til mótstreymiskæli í kvöld.



12x1 mm koparrör
27x3.5 mm PVC slanga
1/2" T

T-stykkið á endanum er fyrir hitanema sem skrúfast fastur á. Á eftir að finna slöngunippla fyrir inn- og útganginn.

Jæja, þá er maður búinn að brugga tvisvar sinnum með búnaðinum. Ymislegt skemtilegt og miður skemmtilegt hefur komið upp á. Í fyrra skiptið lentum við í því að hitareglarnir og hitanemarnir hegðuðu sér mjög svo undarlega. Það leiddi til þess að hitinn yfirskaut og fór líklega í 75-80 °C sem gerði það verkum að nýtni kerfisins var mjög svo léleg. Eðlismassi virtsins var töluvert undir áætluðu gildi.

Eftir þetta fórum við í mikla rannsóknarvinnu og komumst að því að PID reglarnir sýndu eina og tvær gráður undir raunhita. Þetta skýrði þó ekki allt saman. Við tókum einnig eftir því að hitaneminn sem var staðsettur í vatnspottinum virtist vera fastur við ákveðið hitastig og elementið hélt bara áfram að hita og hita vatnið. Við höldum að það hafi myndist einhvers konar flæðieinkenni í téinu Eftir þetta allt saman ákváðum við að breyta uppsetningunni á hitanemanum. Það virðist hafa lagað vandamálið.

Kerfið, 50 L suðupottur, 50 L meskipottur og 70 L vatnspottur


Uppsetning hitanemans fyrir breytingu


Uppsetning hitanemans eftir breytingu


Kornblanda


Mesking


Mesking í gangi. Virturinn er filteraður í meskipottinum og dælt í gegnum spíral sem er í vatnspottinum.


Virtur færður yfir í suðupottinn


Hér erum við að "sparga"


"Sparge" lokið


Suða að koma upp


Myndband sem sýnir meskingu.
https://dl.dropbox.com/u/5477849/Brew/2 ... .49.38.mp4

Stýringin fyrir 5.5 kW elementin er ekki tilbúin og því notuðum við 3 kW í suðupottinum og 2 kW í vatnspottinum. Þetta gerir það að verkum að einungis er hægt að búa til 20 L laganir en við gerum ráð fyrir að búa til 40 L laganir þegar við erum búnir að búa til stýringu sem getur keyrt 5.5 kW elementin.

Seinni bjórinn sem við brugguðum heitir Rudolph Red Ale. Hann fór á flöskur á föstudaginn.

Hér er uppskriftin.


Við enduðum með hærri upphafseðlisþyngd sem reiknast að kerfið er með nýtni upp á 78-80 %. Ég tel það vera mjög gott og sérstaklega eftir einungis tvær laganir. Ég held að hægt sé að gera aðeins betur þegar maður er búinn að fínstilla kerfið. Kannski 85 % nýtni.

Við höfum tekið eftir því að mjög gott væri að hafa sjóngler til að fylgjast með rúmmáli. Það myndi auðvelda ferlið heilmikið. Næst á dagskrá er því að koma fyrir sjónglerjum á pottanna þrjá.

Sjóngler komin í hús.



Þetta eru polycarbonate rör, 10 mm að utanmáli og 7 mm að innanmáli

Er þetta frá Bobby hjá BrewHardware.com eða bara gler sem þú keyptir beint?

Þetta eru bara polycarbonate rör sem ég keypti frá þýskalandi
http://www.kuslicht.de/webshop/product_ ... 9a31fe123e" onclick="window.open(this.href);return false;

Fyrir íslendinga þá er hægt að fá svona rör í poulsen.. Kosta ca eitt nýra ef ég man rétt

Já það er stundum gott að búa í útlandinu. "Sjaldgæfar" vörur eru yfirleitt mun ódýrari en á Íslandi.

Metraverðið af þessum polycarbonate rörum er td. 8 evrur eða um 1300 kall.

Jæja, þá er maður loksins búinn að koma sjónglerjunum fyrir. Ég á þó eftir að lekaprófa.

Hér eru nokkrar myndir

Þá er nýí stýrikassinn loks tilbúinn.

Þrír PID reglar fyrir suðupottinn, meskipottinn og vatnspottinn. Reglast með K-hitavírum. PWM stýring fyrir DC dælur.

Virkilega flott.

Úfff ég var að fá faglega fullnægingu... Þetta er gullfallegt hjá þér Maggi, vel gert!

dásamlegt

Takk fyrir það strákar.

Úfff ég var að fá faglega fullnægingu

haha, þetta þarf ég að muna og nota áfram

Svona gerist eftir aðeins eitt brugg með dönsku vatni. Alveg getur maður fengið ógeð af þessu hörðu kalkmettaða vatni! Eina sem hægt er að gera er að koma fyrir "sacrificial" anóðu. Er búinn að koma fyrir magnesium stöng í pottinn sem ætti að koma í veg fyrir áframhaldandi tæringu.

Þetta gerist líka hér... Ef maður leyfir elementinu að liggja í vatni. Fullt af þráðum um þetta á homebrewtalk líka.. Mismunandi hvort menn séu sammála því að anóðurnar stoppi ryðið.

Málið er að ég lét elementið ekki liggja í vatni. Ég vissi fyrirfram að það væri ekki gott. Ég þreif og þurrkaði elementið með loftbyssu. Elementið var svona strax eftir fyrsta brugg.

Athugið að þetta gerist bara í vatnspottinum (HLT). Í suðupottinum er elementið í fínu lagi.

Maggi wrote:Málið er að ég lét elementið ekki liggja í vatni. Ég vissi fyrirfram að það væri ekki gott. Ég þreif og þurrkaði elementið með loftbyssu. Elementið var svona strax eftir fyrsta brugg.

Athugið að þetta gerist bara í vatnspottinum (HLT). Í suðupottinum er elementið í fínu lagi.

Jahh, í suðupottinum hjá mér fellur verulega á elementhúsið. Verður reyndar kolsvart en ekki ryðrautt.
Elementin sjálf virðast vera alveg ónæm.

Ef anóðan á að virka verður væntanlega anóðan, potturinn og elementhúsið að vera í "vatnssambandi" til að loka "rafrásinni" eða er það misskilningur hjá mér? (Vonandi útskýrir einhver efnafræðingurinn)

Hins vegar verður að hrósa þér, Maggi fyrir hversu framkvæmdin er góð á brugggræjunum.

Jahh, í suðupottinum hjá mér fellur verulega á elementhúsið. Verður reyndar kolsvart en ekki ryðrautt.

Athyglisvert að það verður kolsvart. Spurning hvað það sé sem fellur á það. Nú eru járnoxíð (ryð) til sem bæði Fe2O3 og Fe3O4. Það fyrrnefnda er rautt en Fe3O4 er svart að lit.

Nú er ég ekki viss en það gæti verið að vegna lágs sýrustigs í suðupottinum falli út svart járnoxíð í stað rauðs.

Ef anóðan á að virka verður væntanlega anóðan, potturinn og elementhúsið að vera í "vatnssambandi" til að loka "rafrásinni" eða er það misskilningur hjá mér? (Vonandi útskýrir einhver efnafræðingurinn)

Jú rétt er það. Katóðan (potturinn) og anóðan (magnesium stöngin) verða að vera tengd saman, þeas. að rafeindaflæði sé á milli þeirra tveggja. Einnig þarf katóðan og anóðan að vera undir vatni svo að jónaflutningur eigi sér stað.

Með því að setja magnesium stöng færist anóðan frá element húsinu yfir á magnesium stöngina.

Hins vegar verður að hrósa þér, Maggi fyrir hversu framkvæmdin er góð á brugggræjunum.

Takk fyrir það Kári.

Maggi wrote:

Jahh, í suðupottinum hjá mér fellur verulega á elementhúsið. Verður reyndar kolsvart en ekki ryðrautt.

Athyglisvert að það verður kolsvart. Spurning hvað það sé sem fellur á það. Nú eru járnoxíð (ryð) til sem bæði Fe2O3 og Fe3O4. Það fyrrnefnda er rautt en Fe3O4 er svart að lit.

Nú er ég ekki viss en það gæti verið að vegna lágs sýrustigs í suðupottinum falli út svart járnoxíð í stað rauðs.

Hef amk séð á netinu að menn eru að nota Edik (og aðra sýru) til að fá gráa/svarta oxun á hnífsblöð.
Svarta oxunin (Fe3O4) er eitthvað sem "lokar" hnífastálinu fyrir frekari ryðgun (þ.e. rauðri oxun).

Athyglisvert.

Er búinn að hanna límmiða sem ég set ofan á tappana. Þetta eru 20 mm límiðar frá Herma. Svo nota ég bara online forrit frá þeim til merkja þá

Fyrir nokkru síðan þá festi ég kló á element boxin. Gerir þetta miklu þægilegra en að hafa snúrur hangandi fastar í pottinum.