Bjórtegund með reyktum mat

[busla]

Halló!

Hér á bæ erum við að reykja hangikjöt með aðferð sem hefur verið notuð síðastliðin 60 ár. Það er kveikt upp í á hverjum degi og notuð eingöngu lífræn hráefni... og nóg af taði

Hefur einhver sérstaka skoðun á bjórtegund með reyktum mat? Mér langar að setja saman uppskrift sérstaklega fyrir þetta kjöt og er að leita eftir hugmyndum.

Nonni

[hjaltibvalþórs]

Reyktur bjór er náttúrulega klassískt pörun ef maður vill sambærilega bragðupplifun úr bjórnum. Kannski spurning um að stæla Borg Brugghús og taðreykja maltið í hann?

Hér: http://www.fagun.is/viewtopic.php?f=21& ... 3%B6t#p628" onclick="window.open(this.href);return false; nefnir Stulli að belgískur Dubbel virki líka vel með hangikjöti. Ég hef ekki prófað það sjálfur en það hljómar nokkuð sannfærandi, dökkur og bragðmikill en ekki of maltaður. Þýskur Dunkel gæti einnig verið góður. Ég myndi persónulega forðast mjög humlaríka bjóra með þessum mat.

[busla]

Já, Westmalle double er fínn!

Ég veit ekki með reykt malt, hef áhyggjur af því að það gæti verið of mikill reykur fyrir þetta. Jafnvel eitthvað sem komplementar sterka reykjarbragðið, þá kannski eitthvað léttara og hefur svalandi áhrif. En eins og Stulli bendir á þá gæti það ekki passað.

Ég er persónulega mjög hrifinn af miklum humlum en það sem ég er að hugsa er eitthvað fyrir alla um jólin. Þannig að mér langar að draga úr humlum því þeir fara misvel í fólk.

Ég ætla að prófa nokkrar týpur um jólin. Athuga jafnvel Dunkel, Porter, Stout og svo einn svalandi.

[busla]

Fyrsta smökkun var framkvæmd í dag með fjölskyldunni. Ég er of sólginn í humla til að geta verið dómbær þannig að hlutlaus viðfangsefni á (næstum því) öllum aldri voru fengin í rannsóknina.

Við prófuðum hveitibjór, IPA, ljósöl (white ale), Stout og Porter.

Hangikjötið okkar er mikið reykt og í saltari kantinum.

Porter fékk hæstu einkunn hjá öllum. Þ.e.a.s. sá sem við vorum með, sem var Gæðingur.

Það er greinilega búið að setja bjór-línuna með hangikjöti hjá okkur.

[Idle]

Síðbúið svar á ferð, svo skiptir vart miklu héðan í frá.

Ég hef reynt ýmsar bjórtegundir með hangikjöti á síðustu árum, allt frá léttum enskum bitterum til þyngri, sætra belgískra klausturbjóra. Sá sem ég var hrifnastur af með hangikjötinu var reyktur bjór, Aecht Schlenkerla Rauchbier Märzen. Hann fæst því miður ekki lengur í verslunum ÁTVR.
Sá sem næstur komst var Trappist Dubbel, og þar á eftir passaði Lava frá ÖB furðu vel við að mínu mati.

Ólíkir bjórar, en þetta voru topp þrír úr mínum prófunum. Hverjum þykir sinn fugl fagur. Gleðilega hátíð!

Uppfært: Alls ekki óskylt með öllu, en því má bæta við að nú er ég í leit að góðu rauðvíni með hangikjötinu þar sem Aecht Schlenkerla er ekki lengur á boðstóðum. Er almennt hrifnastur af Shiraz og Cabernet Sauvignon vínum frá Ástralíu, Suður Afríku og Frakklandi. Hugmyndir vel þegnar!