Við vorum með hringrás í gangi, þ.e. sem tók virt undan grindinni og upp í kornið fyrir ofan - krafturinn á hringrásinni var ekkert gríðarlega mikill en sæmilegur þó (solar project dæla).
Þegar meskin var búinn að vera í um 20 mínútur fórum við að taka eftir því að pokinn hafði dregist niður og það var mjög þungt að toga hann aftur upp - eins og einhverjir illir kraftar væru að draga hann niður. Við höfðum ekkert gríðarlegar áhyggjur af þessu en fannst þetta skrítið.
Stuttu síðar fór pumpan að hætta að dæla, við gerðum okkur ekki alveg grein fyrir af hverju en reyndum að pota og hrista hana í allar mögulegar áttir. Þegar vel var liðið á meskinguna prófuðum við að taka pokann aðeins frá brúninni, þ.e. toguðum hann til hliðar og þá var eins og allur sogkrafturinn væri farinn, þ.e. vandamálið var greinilega að það var komið loftrúm undir pokann vegna dælunnar og ekki náðist að skila vatni af sama krafti í gegnum kornið. Eins kom upp brunalykt vegna þess að elementið var ekki á kafi í virti.
Því má bæta við að grindin (grillgrind úr járni) og elementið voru kengbogin eftir lögnina sem sýnir vel hvað þetta var mikill tappi, en mig grunar að átökin við að toga pokann upp hafi valdið því.
Það er því spurning hvort það sé ekki mögulegt að gera svona mikið miðað við pottstærð eða hvort einhver töfralausn sé til á þessu? OG var aðeins 1.048 og ég átti mér draum að gera 50L belgískar lagnir.
