Ég er búinn að vera að lesa heilmikið um þetta topic á Homebrewtalk og vildi miðla þeim upplýsingum sem ég hef safnað til mín um þetta til ykkar hérna, þar sem ég fann ekki mikið um þetta hér.
Vandamálið virðist vera að fólk er hrætt við að kreista pokann sinn eftir meskingu, því þá eiga að geta komið einhver "ill" efni sem heita Tannin sem gefa beiskt bragð... en þetta er Bull!!!
Samkvæmt því sem ég hef lesið mér til um á HBT þá þarf tvennt að gerast (á sama tíma!) til þess að geta fengið tannin úr korninu:
1. hitastigið þarf að vera meira en 77°C (eða 170°F)
2. ph-gildið (sýrustigið á vatninu) þarf að vera hærra en 6
Og því hærra hitastig ásamt hærra sýrustigi, því meira tannin er líklegt að komi úr korninu. En svo lengi sem hitastigið er undir 77 gráðum og sýrustigið í lagi, þá er engin hætta á neinu, og í fínasta lagi að kreista pokann eins og maður vill.
Hér er linkur á þráð sem ég rak augun í og opnaði augu mín fyrir þessari pælingu. hér er annar þráður þar sem fram kemur aðeins ítarlegri útskýring. Í báðum tilfellum er það þessi Revvy sem kemur þessu öllu upp á borðið.
Langaði bara að henda þessu hérna inn til þess að sama ruglið muni ekki viðgangast hér sem hefur gerst á HBT og á fleiri stöðum, að misskilningur og hræðsla leiði til þess að fólk fær rangar upplýsingar.
Vona að þetta hjálpi mörgum að slaka á og læra eitthvað nýtt
