Ef maður les dóminn, þá er óskaplega mikið af "ætlunum" þarna. Uppgerð voru tæki til eimingar, en einnig "lítil vog sem ætlað sé að hafi verið notuð við vigtun fíkniefna og litlir plastpokar („sölupokar“) ætlað sé að hafi átt að nota vegna fíkniefnaviðskipta". Væntanlega sambærileg vog og pokar og við humlanotendur eigum eitthvað til af.
Grunsamlegt. Héðan í frá tek ég enga áhættu og hendi ziplock pokunum sem ég fæ díóðurnar, viðnámin og allskyns smádót afgreitt í. Enda "sölupokar".
En kveikjan að þessu snérist ekki um bjórgerðina, heldur: "Í ódagsettri yfirlitsskýrslu lögreglu vegna rannsóknar málsins kemur fram að upphaf málsins sé að rekja til þess að þær upplýsingar hafi borist til lögreglunnar um nokkurt skeið að ákærði væri að selja fíkniefni á Austurlandi."
Ég er ekki sérstaklega áhyggjufullur. Ég umgengst ýmsa úr röðum lögreglunnar nær daglega (einn býr í íbúðinni við hlið mér), og þeir vita vel af þessari búgrein minni. Þeirra eini áhugi er að fá að bragða á afurðunum, annað kemur þeim ekki við. Því held ég að það sé engin ástæða fyrir þennan almenna bjórbruggara til að örvænta.