Nýr meðlimur og ein spurning til ykkar

[Olafsson]

Daginn,

Ég var á spjalli við einn meðliminn hérna inni um bruggun og sé reglulega brugg tengda pósta frá honum á facebook. Á endanum gat ég ekki setið á mér og fór og reddaði mér brugggræjum (fæ þetta fína sett lánað hjá félaga mínum). Ég ætla mér að byrja fyrst á einhverjum einföldum bjór og er búinn að horfa á nokkur video á youtube ásamt því að lesa mér til eitthvað hér inni. Ég er mjög hrifinn af Kalda, Leffe og svona hveitibjórum þannig að ef einhver lumar á uppskrift að bjórum í þeim dúr að þá megið þið endilega henda þeim á mig.

Eitt sem mig vantar og það er almennilegt pláss. Er það algjörlega óbjóðandi að gerja bjórinn inni í íbúð? Upp á lyktina, það er að segja. Veit að það er góð lykt af sumum bjórum þegar þeir gerjast en ég efast um að frúin gúdderi einhverja auka lykt inn á heimilið.

mbk
Olafsson

[hrafnkell]

Velkominn

Ég hef smakkað þessa útgáfu af leffe og hann var ansi nærri upprunalega leffe:
http://www.homebrewtalk.com/showthread.php?t=202852

Það er töluverð lykt þegar það er verið að brugga, svipað og mikil baksturslykt sem er fljót að hverfa eftir bruggun. En í gerjun er hún frekar lítil, mest fyrstu 2-4 dagana bara.

[andrig]

Ég brugga inní eldhúsi og gerja undir eldhúsborðinu
ég finn einga lykt á meðan gerjun er í gangi.

[einaroskarsson]

Velkominn!

Fyrsta bruggið mitt var inni í íbúð, í aukasvefnherberginu. Það var allt of lítil útloftun, herbergið fylltist af gufu og íbúðin "ilmaði" öll af möltuðu byggi og humlum. Henti í lasagna daginn eftir með miklum hvítlauk, bauð foreldrum mínum í mat og þau fundu enga lykt aðra en af matnum Fékk samt ekki leyfi til að halda áfram inni í íbúð

[Olafsson]

Velkominn

Ég hef smakkað þessa útgáfu af leffe og hann var ansi nærri upprunalega leffe:
http://www.homebrewtalk.com/showthread.php?t=202852

Það er töluverð lykt þegar það er verið að brugga, svipað og mikil baksturslykt sem er fljót að hverfa eftir bruggun. En í gerjun er hún frekar lítil, mest fyrstu 2-4 dagana bara.

Takk kærlega fyrir þetta Hrafnkell.

[Olafsson]

Ég brugga inní eldhúsi og gerja undir eldhúsborðinu
ég finn einga lykt á meðan gerjun er í gangi.

Snilld, ég var einmitt að pæla í því að gerja þar

Velkominn!

Fyrsta bruggið mitt var inni í íbúð, í aukasvefnherberginu. Það var allt of lítil útloftun, herbergið fylltist af gufu og íbúðin "ilmaði" öll af möltuðu byggi og humlum. Henti í lasagna daginn eftir með miklum hvítlauk, bauð foreldrum mínum í mat og þau fundu enga lykt aðra en af matnum Fékk samt ekki leyfi til að halda áfram inni í íbúð

Já, ég var jafnvel að pæla í því hvort að það myndi eitthvað hjálpa til að leggja svona loftslöngu (eða glæra til að það fari minna fyrir henni) frá loftlásnum og út um gluggann.

[Herra Kristinn]

Konan mín er frekar viðkvæm fyrir lyktinni þegar ég brugga, þ.e. helst á meðan meskingu stendur og í upphafi suðu en svo er henni yfirleitt sama. Með mest humluðu bjórunum kemur ægilega fínn og skemmtilegur blómailmur fyrstu 2 sólarhringana en svo búið, ég finn eiginlega aldrei lykt af öðrum bjórum og ég gerja undir tölvuborði í stofunni en ég brugga í eldhúsinu og þvottahúsinu, þ.e. þvottahúsið er innan af eldhúsinu og það hentar ágætlega. Ég hef gert allt frá 10L og upp í 40L í þessu litla rými. Stilli pottinum upp undir glugganum í þvottahúsinu og set viftu í gang sem blæs út. Það virðist halda þessu mest í skefjum.

Ég er með Leffe klón uppskrift hér sem er reyndar byggð á þessari hér að ofan: http://brew.virtual-guy.com/2016/03/20/leifur-hnakki/

Gerið sem ég notaði var skemmtilegt og lítið mál að skipta því út fyrir annað belgískt. Neðst í póstinum getur þó sótt BeerXML skrána og importað í Beersmith beint. Það eru fleiri uppskriftir þarna ef þig langar að prófa þig áfram, þetta er svona nánast allt sem ég er að prófa þessa dagana. Svo ef þig langar í challenge þá er ég að setja saman nokkurskonar Einstök White Ale klón og mun pósta honum á næstu vikum þarna.

[Olafsson]

Konan mín er frekar viðkvæm fyrir lyktinni þegar ég brugga, þ.e. helst á meðan meskingu stendur og í upphafi suðu en svo er henni yfirleitt sama. Með mest humluðu bjórunum kemur ægilega fínn og skemmtilegur blómailmur fyrstu 2 sólarhringana en svo búið, ég finn eiginlega aldrei lykt af öðrum bjórum og ég gerja undir tölvuborði í stofunni en ég brugga í eldhúsinu og þvottahúsinu, þ.e. þvottahúsið er innan af eldhúsinu og það hentar ágætlega. Ég hef gert allt frá 10L og upp í 40L í þessu litla rými. Stilli pottinum upp undir glugganum í þvottahúsinu og set viftu í gang sem blæs út. Það virðist halda þessu mest í skefjum.

Ég er með Leffe klón uppskrift hér sem er reyndar byggð á þessari hér að ofan: http://brew.virtual-guy.com/2016/03/20/leifur-hnakki/

Gerið sem ég notaði var skemmtilegt og lítið mál að skipta því út fyrir annað belgískt. Neðst í póstinum getur þó sótt BeerXML skrána og importað í Beersmith beint. Það eru fleiri uppskriftir þarna ef þig langar að prófa þig áfram, þetta er svona nánast allt sem ég er að prófa þessa dagana. Svo ef þig langar í challenge þá er ég að setja saman nokkurskonar Einstök White Ale klón og mun pósta honum á næstu vikum þarna.

Snilld, takk kærlega fyrir þetta. Ég verð í bandi við þig þegar ég er búinn að setja í fyrstu "Leffe" lögnina og vantar nýja uppskrift.