að brugga úr "gömlu" brauði.

[héðinn]

Góðan daginn. Ég er að velta fyrir að brugga úr "gömlu" brauði. Það sem ég er að velta fyrir mér er hvort að kornið sem í brauðinu brotni niður í sykur og ef svo er hvað mikið af korni verði að hvað miklum sykri. Ég hef verið að leyta að upplýsingum á netinu en finn bara fréttir um bruggara vítt og breytt sem eru að stunda þetta. Ég býst við að ég sé ekki með réttu lykilorðin.

kv

[æpíei]

Áhuagverð pæling. Hér er þráður með nokkrum upplýsingum og hugmyndum.

http://www.homebrewtalk.com/showthread.php?t=209505

[héðinn]

Ég fann þetta síðan, er reyndar síða um eimingu en þarna sýnist mér upplýsingar hvernig maður dregur sykurinn fram úr korninu.

http://homedistiller.org/grain/wash-grain/mashing

kv

[æpíei]

Ég er að hlusta á podcastið með "The mad fermentationist" sem minnst er á í einu af síðustu svörunum, mjög áhugavert

http://ec.libsyn.com/p/3/9/a/39af37da41 ... id=2868971

[héðinn]

'Eg er aðeins að átta mig á þessu. Það þarf ensím sem verða til við að korn spírar til að brjóta niður sykurinn.

Er þetta í linknum hér fyrir neðan ekki aðferðin við að búa til ensmín?

https://en.wikipedia.org/wiki/Rejuvelac


Ætli ég gæti látið korn spíra í vatni og helt því síðan útá brauðið til þess að brjóta niður kornið í sykur?

[hrafnkell]

Eða henda smávegis af möltuðu korni með til að nýta ensímin þar.

[æpíei]

Ég gerði smá tilraun í anda þess sem talað er um í podcastinu. Ég var með ca 1,3 kg af rúgbrauði, normalbrauði og líku sem ég hafði safnað og fryst. Ég leysti það upp í ca 10 lítrum af 88 gráðu vatni í um 12 tíma. Úr þessu fékk ég "virt" sem er 1,006. Ekki nægilegt til að gerja eitt og sér. Ég ætla að nota þetta sem grunn í Berliner Weisse, 50/50 af pilsner og hveitimalti og súrmeskja.

[HKellE]

Ég myndi halda það þyrfti amylasa til að brjóta sterkjuna niður í gerjanlegar sykrur
http://www.brew.is/oc/Amylase_Enzyme

[æpíei]

Takk, tékka á þessu. Þetta er reyndar ekki mikið sem kom úr brauðinu. Eftir að það var runnið sem mest af brauðsúpunni var ég með 9 lítra af 1,010 vökva. Ég setti 16 lítra af vatni útí og byrja því að meskja með vökva sem er um 1,004.

[gm-]

Þetta er spennandi, verður fróðlegt hvort það verði rúgbrauðskeimur sem kemur í gegn.

[æpíei]

Að dæma af virtinum, já!

[æpíei]

Þessi er tilbúinn. Það skilaði sér ekki mikið brauðbragð í bjórinn. Hann var eiginlega bara týpískur Berliner weisse.